راس مسعود حسين: سنڌ جو اڳوڻو ڪليڪٽر راس مسعود حسين ولد محمد حسن، 12 جون 1928ع تي هندستان جي علائقي پوني ۾ ڄائو. سندس والد عليڳڙهه جو گرئجوئيٽ هو، جيڪو ورهاڱي کان پوءِ گجرانوالا لڏي آيو. هن ابتدائي تعليم سينٽ پيٽرڪ اسڪول مان حاصل ڪئي. ان کان پوءِ 1949ع ۾ سنڌ مسلم لا ڪاليج مان گريجوئيشن ڪيائين. هي ’لا ڪاليجيئن‘ رسالي جو ايڊيٽر به رهيو ۽ ان کانسواءِ ڪيترن غير نصابي سرگرمين ۾ بهرو ورتائين، خاص ڪري تقريري مقابلن ۾ ڪيترا انعام حاصل ڪيائين.
هن 1951ع ۾ سي. ايس. پي جو امتحان پاس ڪيو ۽ ان کانسواءِ آڪسفورڊ يونيورسٽيءَ مان ايم. پي. اي (پبلڪ ائڊمنسٽريشن) جي ڊگري به حاصل ڪئي. سنڌ ۾ ڪيترن ضلعن ۾ ڪليڪٽر جي عهدي تي رهيو ۽ سنڌ جي باصلاحيت عملدارن ۾ شمار ٿئي ٿو.
1928.06.12 عيسوي
سنڌ جو اڳوڻو ڪليڪٽر راس مسعود حسين ولد محمد حسن، 12 جون 1928ع تي هندستان جي علائقي پوني ۾ ڄائو.